'Agus an draíocht a bhí san aer a mealladh
chomh maith lena croí féin,
chuir sí cos ar an uisce.
Shiùil sí amach ar gha gealaí
ag leanùint an tsolais.'

From the award-winning author of The Wordsmith.

Tá maisiú gleoite daite sa leabhar seo, lena dtugtar léiriú den scoth ar bheocht an scéil álainn liriciúil le húdar na leabhar Mise agus an Dragún agus Fidget the Wonder Dog, scéalaí a bhfuil go leor duaiseanna buaite aici.

 Is fada le Fia go dtabharfaidh sí cuairt ar an oileán draíochta, áit a bhfuil an t-aer lán le rúin.

Oíche amháin, síneann ga gealaí trasna an chuain chuici agus tugann sé chuig an oileán í.

Téann sí ag marcaíocht ar fhéileacán órga,

ag damhsa i measc réaltaí na spéire

agus síos go tóin na farraige …

Is as Gaillimh do Patricia Forde. Is iomaí leabhar do leanaí atá foilsithe aici, idir leabhair phictiúr agus úrscéalta. Bhuaigh sí dhá ghradam White Raven agus bhí sí ar an ngearrliosta faoi dhó do Leabhar na Bliana, gradam a bhronnann Leabhair Pháistí Éireann. Roghnaigh Cathair Bhaile Átha Cliath a leabhar Bumpfizzle the Best on Planet Earth mar UNESCO Read 2019. Foilsíodh The Wordsmith faoin teideal The List i Meiriceá Thuaidh agus bhronn Cumann Leabharlainne Mheiriceá gradam air mar leabhar suntasach don aos óg. D’fhoilsigh Little Island a sheicheamh, Mother Tongue, in 2019.

I saol eile, bhí Patricia ina múinteoir bunscoile agus ina stiúrthóir ealaíne ar Fhéile Ealaíon na Gaillimhe. Tá sí pósta le Padraic agus tá beirt leanaí fásta aici. Tá cónaí uirthi fós i nGaillimh, an chathair is fearr léi ar domhan.